PRP müalicəsi ilə bədəndəki bəzi xəstəlikləri sağaltmaq, dərini öz qanı ilə cavanlaşdırmaq mümkündür. Dərman əvəzinə insanın öz qanının istifadə edildiyi PRP müalicəsində xüsusilə ətraf mühit və genetik faktorlarla yavaşlayan hüceyrə regenerasiyasının qarşısı alınır.
Saç tökülməsindən tutmuş bir çox ortopedik xəstəliklərin müalicəsində, dərinin cavanlaşması, ağrıların müalicəsində istifadə olunur. Kosmetologiya və trixologiyada geniş tətbiq tapmışdır. Metodun mahiyyəti dərmanlar kimi xarici təsirlərlə müalicə etmək deyil, öz bədəninizi toxumaları bərpa etmək üçün lazımi sayda hüceyrə istehsal etməyə məcbur etməkdir.